Mars í fullu fjöri
Marsmánuður hefur farið vel af stað hjá okkur í Tónabæ, 5.bekkur er búinn að hafa bíódag og Fifa-mót, 6.-7.bekkur var með spurningakeppni síðasta miðvikudag, og ýmislegt hefur verið brallað með unglingunum. Við fórum í sundferð, fórum í Kahoot spurningakeppni, héldum pool-mót og síðast en alls ekki síst, þá vorum við með hæfileikakeppnina Tónó got talent síðasta föstudag.
Eva Dögg stóð uppi sem sigurvegari í Tónó got Talent, hún lék listir sínar á hljómborðið þar sem hún spilaði lag úr frönsku kvikmyndinni Amélie.
En í vikunni er öflug dagskrá framundan, en í kvöld ætlum við að huga að húðinni með unglingunum, skella á okkur andlitsmaska svo húðin okkar verður rennislétt og fín, á miðvikudagskvöldið er svo feluleikjakvöld sem nemendafélagið heldur út í Háaleitisskóla.
En með miðstiginu ætlum við að vera með skotboltatrylling inn í sal.
Einnig viljum við benda á að allar dagskrár koma inn á síðuna undir flipanum “Dagskrá”
-kveðja úr Tónabæ