Vinnuskólahópar Kringlumýrar
Í sumar störfuðu tveir vinnuskólahópar hjá Kringlumýri. Annar var staðsettur í félagsmiðstöðinni Þróttheimum og hinn í félagsmiðstöðinni Bús
töðum. Í heildina voru um 20 unglingar sem tóku þátt í starfinu sem stýrt var af starfsfólki félagsmiðstöðvanna.
Markmið hópsins er að stuðla að heilbrigðum og jákvæðum lífsstíl meðal unglinga í hverfinu. Áhersla er lögð á að styrkja sjálfsmynd þátttakenda í gegnum markvisst hópastarf. Unnið var meðal annars með sjálfsmat, sjálfstraust, frumkvæði, heilbrigð samskipti, sjálfsvirðingu og fleira.
Unglingarni fengu tækifæri til að prófa sig áfram í öruggum hópi undir leiðsögn re
yndra starfsmanna. Vinnan í hópnum var sambland af annarsvegar hefðbundnum verkefnum vinnuskólans,
þar sem verður unnið var með nærumhverfi unglingsins, endurbætur í félagsmiðstöðinni og ræktun matjurtargarðs. Hinsvegar var unnið að verkefnum sem tengjast ýmis konar sjálfstyrkingu í gegnum leiki og fjölbreytt verkefni.
Markmiðið er einnig að byggja tengingu milli hverfa, styrkja félagstengsl og efla samgang milli skóla Laugardalsins.
Vinnuskólahópurinn tók sér ýmis verkefni fyrir hendur á þessum fjórum vikum. Hópurinn labbaði til að mynda í þögn upp Úlfarsfellið, málaði, róaði bát saman í mis skemmtilegu veðri í Siglunesi, klifraði klifurvegg í Gufunesbæ og grillaði sykurpúða, kíkti í Elliðaárdalinn í góðu veðri, fór í hjólatúra, fóru í allskonar leiki, drukku kakó í Grasagarðinum og margt fleira.
Fræðslurnar voru fjölbreyttar. Við fengum fulltrúa frá Unicef sem frædd
i ungmennin um Barnasáttmálann, Druslufræðslu þar sem Druslugangan og uppruni hennar var kynntur, VR fræddi þau um réttindi sín á vinnumarkaði og skólastjóri Jafnréttisskóla Reykjavíkurborgar kom og talaði um jafnrétti kynjanna.