Kökukeppni hjá miðstigi í Tónabæ
Í dag var haldin kökukeppni á miðstigi í Tónabæ, það voru ungir og upprennandi bakarar í 5.-7.bekk sem bökuðu köku heima og mættu með hana til leiks. Keppt var í þremur flokkum; besta kakan, flottasta kakan og svo loks frumlegasta kakan.
Í 5.bekk hlaut Gunnar Skúli hlaut fyrir bestu kökuna “Norðurpóllinn”, Ingvar fyrir frumlegustu kökuna “Wall of Trump” og Gunnhildur fyrir flottustu kökuna “Skittlestré”
Í 6.-7. bekk mætti ein kaka til keppnis og eiga þær Benedikta og Þóra heiður af henni, og var sú kaka sjálfkjörin sigurvegari.
Eftir að dómnefnd skipuð stelpum úr nemendaráði 8.-10.bekkjar hafði gert upp hug sinn og kynnt úrslitin var svo öllum viðstöddum boðið upp á að smakka á kræsingunum undir notalegri jólatónlist.
Bakararnir í Tónabæ eiga svo sannarlega bragðgóða og sæta framtíð fyrir sér.