Blessuð sólin og Hrósdagur í Laugarseli
Við höfum verið heppin með veður í dag og í gær og mikið um að krakkarnir séu úti að leika. Við ákváðum að skella síðdegishressingu og útiveru saman í dag og leyfa krökkunum að borða úti. Það gekk rosa vel, við spiluðum tónlist og það myndaðist mjög skemmtileg stemming.
Þetta er eitthvað sem við ætlum að gera oftar í Laugarseli þegar veðrið leikur við okkur og er svona gott.
Við vorum einnig með Hrósdag í Laugarseli í dag, en það er hugmynd sem kom úr hugmyndakassanum okkar. Í barnaráði sem var 28.apríl voru tvær af hugmyndum hugmyndakassans valdar til að framkvæma í þessari viku og var Hrósdagurinn annar þeirra. Hin hugmyndin var að hafa föndursmiðju, sem var á miðvikudaginn. Þar fengu þeir sem vildu meðal annars að föndra dagbók.
Hrósdagurinn gekk vel, krakkarnir voru mjög duglegir að hrósa hvort öðrum og starsfólki.