Elín og Heiða kepptu fyrir hönd Kringlumýrar í söngkeppni Samfés
Söngkeppni Samfés fór fram með óhefðbundnum hætti um síðustu helgi þar sem keppendur frá öllu landinu kepptu sín á milli í söng. Venjulega hefur keppnin farið fram í Laugardalshöllinni sömu helgi og Samfestingurinn fer fram. Covid-19 faraldurinn með alla sína djöfla gerði það hinsvegar að verkum að ekki var hægt að halda Samfestinginn í ár. Því var ekki hægt að halda söngkeppnina en ákveðið var að halda hana á nýjan hátt í ár.
Hver félagsmiðstöð sem átti þátttakanda tók myndband af atriðinu sínu og var sent til Samfés. Samfés hélt því myndbandakeppni í samstarfi við Ungrúv. Þátttakendur Kringlumýrar voru þær Elín Björt Valsdóttir frá Laugó og Heiða Björk frá Buskanum. Keppnin hófst á föstudaginn þar sem öll myndböndin birtust á sama tíma. Áhorfendur höfðu því alla helgina til að horfa á atriðin og mynda sér skoðun. Fram fór kosning á síðu Ungrúv þar sem hægt var að kjósa Rödd fólksins.
Úrslitin voru tilkynnt mánudagskvöldið 25. maí á Ungrúv. Sigurvegarinn í ár var Þórdís Linda Þórðardóttir frá Garðalundi í Garðabæ. Þátttakendur Kringlumýrar stóðu sig frábærlega og gerðu vel úr þeim óhefðbundnu aðstæðum sem uppi voru. Þær Elín og Heiða eiga klárlega framtíðina fyrir sér og verður spennandi að sjá þær á sviðinu í framtíðinni.
Hægt er að sjá atriðin hér að neðan:
