Annað sæti í Skrekk

Úrslitakvöld hæfileikakeppni grunnskóla Reykjavíkur, Skrekkur fór fram í gærkvöldi með pompi og prakt.

Átta skólar kepptu á úrslitakvöldinu, voru atriðin frábært og greinilegt að mikil vinna hefur verið lögð í þetta í ár.

Langholtsskóli var á meðal skóla í úrslitum í ár og hét atriðið “Komið að okkur”. Skemmst er frá því að segja að okkar unglingar enduðu í öðru sæti í keppninni.

Þetta er annað árið í röð sem Langholtsskóli hreppir annað sætið í Skrekk. Sigurvegarinn þetta árið var Árbæjarskóli.

Frábær árangur hjá unglingunum og óskum við þeim til hamingju með sætið.