Föstudagsfréttir 28. maí 2021
Nú er aldeilis farið að verða sumarlegt hjá okkur í dalnum góða. Síðustu daga höfum við boðið upp á klúbba úti undir beru lofti svo starfsfólk og börn geti notið sólarinnar um leið og þau föndra, baka eða leika sér. Í gær gerði Varja ís með krökkunum úti á palli í bongó blíðu og á fimmtudag breyttum við pallinum í tjaldbúðir. Við höfum heimsótt Fjölskyldu- og húsdýragarðinn svo til á hverjum degi síðustu tvær vikur, boðið upp á skylmó, útiföndur, ávaxta-fondue og margt fleira. Margir hafa aukið hæfni sína í að prjóna í prjónaklúbb með Jóhönnu og í síðustu viku fórum við vel og vandlega yfir öll lögin í úrslitakeppni Evróvisjón. Þetta allt og margt fleira má sjá á meðfylgjandi myndum sem sannarlega segja meira en þúsund orð.