Frábær lokafræðsla ársins 2018 – Dagskrár fyrir janúar mættar
Síðasta fræðsla ársins 2018 í Þróttheimum fór fram þann 21. desember síðastliðinn. Þá mætti Indíana Rós Ægisdóttir verðandi kynfræðingur og var með fræðslu sína um sjálfsfróun.
Indíana hefur vakið nokkra athygli síðustu misseri m.a. á samfélagsmiðlum þar sem hún fræðir ungt fólk og áhugasama um hin ýmsu mál er tengjast kynlífi, sjálfsmynd og líkamsmynd svo eitthvað sé nefnt. Hún hefur haldið fjölda fræðslna á árinu við góðan orðstýr. Hægt er að lesa frekar um Indíönu hér.
Góður rómur var af fræðslunni og var mæting prýðileg þrátt fyrir að hafa verið í hápunkti jólaundirbúnings. Fræðslur hafa verið mánaðarlega í vetur en hingað til höfum við fengið fræðslur um Hjálparsímann 1717, geðheislu ungs fólks og orðræðu og sögu einstaklinga með fötlun.
Árið 2019 er gengið í garð og óskum við öllum gleðilegs nýs árs. Dagskrár fyrir janúar er komnar hér á síðuna. Við bendum sérstaklega á uppfærðan viðveru tíma hjá miðstigi.