Söngkeppni Kringlumýrar

Föstudaginn 25. janúar hélt unglingastarf Kringlumýrar hina árlegu söngkeppni félagsmiðstöðvanna. Allt tóku níu þátt í keppninni og fá fyrstu tvö sætin að keppa á söngkeppni Samfés sem mun fara fram 23.mars næstkomandi í Laugardalshöllinni. Við í unglingastarfinu erum gríðarlega stolt af þeim flotta hópi sem steig á svið í Laugalækjarskóla og sýndi hversu magnaðir hæfileika búa í unglingahópnum.  Í fyrsta sæti var Halldóra úr félagsmiðstöðinni Þróttheimum, hún söng lagið paper moon, í öðru sæti var Anna Fanney úr Laugó með lagið Wake up alone og í þriðja sæti var Andrea Hlín úr Laugó með lagið Shallow. Við óskum þeim innilega til hamingju með frábæran árangur og hér eru augljóslega söngkonur framtíðarinnar að stíga sín fyrstu skref.