Frístundastefna samþykkt í borgarráði
Frístundamiðstöðin Kringlumýri er sérstaklega ánægð með að kynna öllum fyrir nýsamþykktri stefnu í frístundaþjónustu í Reykjavík til 2025. Hún var samþykkt í borgarstjórn 3. október s.l. og framundan er að vinna að forgangsröðun og innleiðingaráætlun auk kostnaðarmats á tillögum stefnunnar. Sjá hér vefslóð á stefnuna: Frístundastefna Reykjavíkurborgar
Í framhaldi af samþykkt frístundastefnunnar voru reglur um félagsmiðstöðvar og frístundaheimili samþykkar í borgarráði og er það mikið fagnaðarefni. Reglur um frístundaheimilin koma í stað borgarráðssamþykktar frá 2010 og reglur um félagsmiðstöðvar eru mjög kærkomnar þar sem ekki var til neinn rammi um þá starfsemi.
Hér fyrir neðan eru vefslóð á þessar reglur:
Reglur um þjónustu frístundaheimila
Reglur um þjónustu félagsmiðstöðva