Hinsegin vika í félagsmiðstöðvunum
Vikuna 4.-8.október var haldið upp á hinsegin viku í félagsmiðstöðvum Kringlumýrar þvert á allt hverfið.
Fræðsla og sýnileiki voru meginatriði vikunar og fór starfið fram í gegnum ýmsa viðburði eins og áhorf á fræðsluefni eins og Hinseginleikann á RÚV, Sex Education á Netflix, Kahoot spurningakeppni, hinsegin föndur og heimsókn í Hinsegin félagsmiðstöðina.
Lokahnykkurinn í þessari frábæru viku var svo drag námskeið með dragdrottningunni Gógó Starr þar sem krakkarnir lærðu ýmis undirstöðuatriði í dragi, svosem karaktersköpun og framkomu á sviði. Það var svo dragkeppni um kvöldið, það voru 6 keppendur sem tóku þátt og fullur salur af unglingum úr öllu hverfinu voru mættir að horfa á og hvetja keppendur áfram.
Við viljum þakka öllum sem tóku þátt í vikunni alveg kærlega fyrir, sér í lagi þátttakendum í drag keppninni og áhorfendum í sal. Heiða úr Buskanum, eða öllu heldur karakterinn hennar, Álfheiður Björg vann keppnina með glæsibrag.