Laugalækjarskóli áfram í Skrekk

Þann 3. mars komust unglingar í Laugalækjarskóla áfram í úrslit Skrekks, hæfileikakeppni grunnskóla í Reykjavík. Eftir miklar æfingar fyrst í október og svo í janúar og febrúar, þrjár frestanir á keppninni var þetta kærkomin viðurkenning fyrir flott atriði.

Næsta mánudag, 15. mars mun úrslitakeppnin fara fram í Borgarleikhúsinu og erum við að vonum spennt að fylgjast með þessum frábæru unglingum sýna hvað í þeim býr.

Atriðið að þessu sinni snýr að einhverfu þar sem þau reyna að varpa ljósi á mögulega upplifun nemenda í skólanum með einhverfu. Fengu þau fræðslu og fleira til að setja sig í þessi spor og nálgast viðfangsefnið af virðingu.

Hvetjum við alla til að fylgjast með á RÚV kl. 20:00 mánudaginn 15. mars.

Hér má sjá mynd af tæknirennsli 3. mars á sviði Borgarleikhússins.